Baat Hai

Baat nazron se ho to baat hai,
baat lafzon ki mohtaaz na ho to baat hai,
baat do dil, ek dhadkan ki ho to baat hai,
baat khamoshi mein jo gunje to baat hai,

tum jo samjh jao mere ishaare to baat hai,
tum jo muskra do nazron k milne par to baat hai,
tum jo duniya ko bhula do to baat hai,
tum jo meri ban jao to baat hai,

har dhadkan jab kuch keh jaye to baat hai,
har shaam jab yaad dilaye to baat hai,
har lamha jo tumse shuru ho mujhpar khatm to baat hai,
har kissa mein humara zikra ho to baat hai,

Baat nazron se ho to baat hai,
baat lafzon ki mohtaaz na ho to baat hai,
baat do dil, ek dhadkan ki ho to baat hai,
baat khamoshi mein jo gunje to baat hai....

Dosti Ek Ehsaas

Kya hai dosti , yeh aaj tumhein batayenge hum,
kya raaz hai iske har dil mein basne ka ,iski gehraai mein aaj tumhein le jaayenge hum,
Kya lagta hai dil ko dosti mein , is dil ka haal bhi tumhein sunayenge hum,
Kya hai dosti , yeh aaj tumhein batayenge hum....

Dosti woh ehsaas hai , jise har koi samajh pata nahi ,
par jiske dil mein yeh bas jaye ek bar ,woh marne ke baad bhi ise bhula pata nahi,
Kyon ho jata hai sacche dost par mar mitne ko taiyaar koi,iski wajhe bhi tumhein bataayenge hum ,
Kya hai dosti , yeh aaj tumhein batayenge hum....

Naseeb nahi hoti sacchi dosti , sabko is duniya mein ,
is liye mit jaate hain sab , bina kuch soche is dosti mein ,
Dosti ek khoobsurat phool hai ,iski khushboo se tumhein ru-b-ru karayenge hum,
Kya hai dosti , yeh aaj tumhein batayenge hum....

Dosti is dharti par, rishton ki jannat hai, nibhai jaaye agar dil se, toh khuda ki rehmat hai, naa nibhaye koi toh narak-e-dozakh hai,
Aur bhi bahut hain dosti ke ehsas , par unhe ek shart par batayenge hum

Pyar ko lafzon ka sahara de de

Do Baatein unse kahin to dil ka dard kahin kho gaya..
logo ne bebas hi pucha ki tujhko kya ho gaya...
hum bekarar aankhon se bas hans hi paya...
bas tharate hothon se keh na paaya..
ki humein unse pyaar ho gaya..
humein unse pyaar ho gaya.....